✟✯🌷 ශු. ‌ෆ්‍රැන්සිස්කෝ මුනිතුමා සහ ශු ජසින්තා මුනිවරිය 🌷✯ ✟

 

ලූර්දු දේවමාතා බැතිය තරම්ම  ඉතා ප්‍රචලිත දේවමාතා බැතියක් වන්නේ පාතිමා මාතා බැතියයි. ලිස්බන් අගනුවර සිට කිලෝ මීටර් 110ක් පමණ ඈතින් පිහිටා තියෙන පාතිමා නගර‌යේ පිහිටා ඇති පාතිමා සිද්ධස්ථානය ලොව පුරා විසිරී සිටින කතෝලික භක්තිකයන්ගේ නොමද ආදරය දිනාගත් ස්ථානයක් ද වේ.

 1916 වර්ෂයේ වසන්ත සෘතුවේ දී ලුසී, ජසින්තා සහ ෆ්‍රැන්සිස් යන දරුවන් තිදෙනාට කෝවා ද ඉරියා යන ස්ථානයේ බැටළුවන් බලමින් සිටින විට දේවදූතයෙක් තෙවරක්ම දර්ශනය වූ බවත් දේවදූතයා තමන් සාමයේ දේවදූතයා සහ පෘතුගාලය ආරක්ෂක දේවදූතයා ලෙස හඳුන්වා දුන් බවත් සදහන් වේ.

එසේම යාච්ඤාව පරිත්‍යාගය සහ සත්ප්‍රසාද වන්දනාව සඳහා දරුවන්ට යොමුවන ලෙස එම දරුවන්ගෙන් දේව දූතයා ඉල්ලා සිටි බවද කියැවේ.  නැවත 1917 මැයි 13 ඉහත සදහන් ස්ථානයේම මෙම දරුවන් තිදෙනාට දේවමාතාව දර්ශනය විය. හිරුටත් වඩා අති සුන්දර දීප්තියකින් බැබළුණු එතුමිය ශුද්ධවු ත්‍රිත්වයට ජීවිතය  කැප කරන ලෙසත් යාච්ඤාවට යොමු වන ලෙසත් ඉල්ලා සිටියාය. 

එකල පැවති පළමු ලෝක යුද්ධය අවසන් වීම සඳහා ජපමාල උච්චාරණය කිරීමට සියලු දෙනා යොමු විය යුතු බව ඇය වදුරටත් ප්‍රකාශ කරන ලදී. 

නැවතත් 1917 ජුනි 13 වන දින දෙවන වරටත් දෙවමාතා වහන්සේ මෙම දරුවන් තිදෙනාට දර්ශනය වීය.  නිරය පිළිබද  දර්ශනයක් එහිදී එතුමිය ඔවුන්ට ලබා දී ඇත. එසේම ෆ්‍රැන්සිස්කෝ සහ ජසින්තාව මෙලොව ජීවිතයෙන් ඉක්මනින් කැඳවා ගන්නා බවත් දේව මාතාවගේ නිර්මල හෘදයේ බැතිය ලොව පුරා ප්‍රචලිත කරනු ලැබීම සඳහා ලුසී ජීවත් විය යුතු බවත් දේව මාතා වහන්සේ ප්‍රකාශ කරන ලදී.

   ✯✯✯✯✯                     ✯✯✯✯✯              ✯✯✯✯✯              ✯✯✯✯✯              ✯✯✯✯✯ 

ෆ්‍රැන්සිස්කෝ මාර්ටෝ (1908 ජූනි 11 - 4 අප්‍රේල් 1919) සහ ජසින්තා මාර්ටෝ  (11 මාර්තු 1910 - 20 පෙබරවාරි 1920) පෘතුගාලයේ පාතිමා අසල කුඩා ගම්මානයක ජීවත් වූ සහෝදර සහෝදරියන් වූ අතර ඔවුන් ජීවත් වූයේ ඔවුන්ගේ ඥාති සහෝදරිය වූ ලුසී (1907-2005) සමඟය.

1916 දී සාමයේ දූතයා ගේ දර්ශනයන් තුනක් සහ 1917 දී Cova da Iria හි නිර්මල කන්‍ය මරිය තුමීගේ දර්ශනයන් කිහිපයක් ඔවුන් තිදෙනා දැක ඇති බව වාර්තා වේ. 

ෆාතිමා අප ස්වාමිදූගේ පළමු දර්ශනයේ ශත සංවත්සරය වන 2017 මැයි 13 වන දින පෘතුගාලයේ ෆාතිමා අප ස්වාමිදූගේ අභයභූමියේදී මාර්ටෝ දරුවන් දෙදෙනා ශුද්ධෝත්තම ෆ්‍රැන්සිස් පාප් වහන්සේ විසින් උත්කර්ෂවත් ලෙස ශාන්තුවරභාවයට ඔසවන ලදී. ඔවුන් ලාබාලතම කතෝලික සාන්තුවරයන් අතර සිටින අතර, ජසින්තා ප්‍රාණ පරිත්‍යාගශීලීව මිය නොගිය ලාබාලතම සාන්තුවරිියවේ.

මැනුවෙල් සහ ඔලිම්පියා මාර්ටෝ,යන අයගේ බාල දරුවන් වූ ෆ්‍රැන්සිස්කෝ සහ ජසින්තා සාමාන්‍ය පෘතුගීසි ගැමි දරුවන් විය.

ඔවුන්ගේ ඥාති සොහොයුරිය වන ලුසියා සහෝදරියගේ මතක සටහන් වලට අනුව, ෆ්‍රැන්සිස්කෝට සන්සුන් ස්වභාවයක් තිබුණි. ඔහු තරමක් සංගීතයට නැඹුරු වූ අතර සිතීමට තනිවම සිටීමට කැමති විය. ජසින්තාට මිහිරි ගායන කටහඬක් තිබුණු අතර නැටුම් සඳහා දක්ෂතා දැක්වූවාය. 

ෆ්‍රැන්සිස්කෝ තනිව යාඥා කිරීමට කැමති විය. "ලෝකයේ පව් සඳහා ජේසුස් වහන්සේ සනසනු ඇත" යැයි පවසමින් ඔහු නිතර යාච්ඤා කළේය. තුන්වන දර්ශනයේදී දරුවන්ට පෙන්වූ නිරය පිළිබඳ බිහිසුණු දර්ශනයකින් තමා දැඩි ලෙස පීඩාවට පත් වූ බව ජසින්තා පැවසුවාය

දේව මාතාව දරුවන්ගෙන් ඉල්ලූ ලෙස ලෙස පව්කාරයන්ව පාපී භාවයේ ගලවාගැනීමේ අවශ්‍යතාවය දරුවන් තිදෙනාටම තිබුණි.  නමුත් විශේෂයෙන්ම ෆ්‍රැන්සිස්කෝ සහ ජසින්තා මේ සඳහා දැඩි ලෙස මර්දනය ක්‍රියා වල නිරත විය. 

පෘතුගාලයේ ෆාතිමා හි කෙත්වල තම ඥාති සොහොයුරිය වන ලුසියා සමඟ තම පවුල්වල බැටළුවන් බලාගත් මෙම සහෝදරයා සහ සහෝදරිය, 1916 දී දේවදූතයෙකුගේ දර්ශනයන් කිහිපයක් දුටු බව වාර්තා කරන ලදි. පසුව ලුසියා මෙම දේවදූතයාගෙන් ඉගෙන ගත් බව පැවසූ යාච්ඤා කිහිපයක වචන පටිගත කළාය. 

1917 මැයි 13 වන දින ඇය සහ ඇගේ ඥාති සහෝදරියන් දේව මාතාවගේ පළමු දර්ශනය දුටු බව ලුසියා සිය මතක සටහන් වල ලියා ඇත. දේව මාතාවන් දර්ශනය වන විට ෆ්‍රැන්සිස්කෝගේ වයස අවුරුදු 8 ක් වූ අතර ජසින්ටාට වයස අවුරුදු 7 කි.

පළමු දර්ශනයේදී, මරිය තුමීය ඔවුන්‌ගෙන් ඉල්ලා සිටියේ ජපමාලය යාච්ඤා කිරීමටත්, පව්කාරයන් හැරවීම සඳහා යාච්ඤා කිරීමත් ය.  ඉදිරි මාස හය සඳහා සෑම මසකම දහතුන්වන දින එම ස්ථානයට පැමිණෙන ලෙසද ඇය ඔවුන්ගෙන් ඉල්ලා සිටියාය

1918 ඔක්තෝම්බර් මාසයේදී ජසින්තා ලුසියාට පැවසුවේ මරියතුමිය තමාට පෙනී සිටි බවත් ඉක්මනින් ඔවුන්ව ස්වර්ගයට ගෙන යන බවට පොරොන්දු වූ බවත්ය. ඔවුන් දෙදෙනාම මාස ගණනාවක් පුරා දිව්‍ය පූජාවන් කිරීමට පල්ලියට ගිය අතර පැය ගණනක් යාච්ඤා කිරීමටත් යොමු විය.

ෆ්‍රැන්සිස්කෝ 1919 අප්‍රේල් 3 වන දින රෝහල් ප්‍රතිකාර ප්‍රතික්ෂේප කළ අතර පසුවදා නිවසේ දී මිය ගියේය. ජසින්තා ඇය අවධාරනය කලේ ඇගේ ජීවිතය බේරා ගැනීමේ උත්සාහය නිෂ්ඵල බවය. පසුව ඇයව ද රෝහල වෙත ගෙන යන ලදී. ඇගේ තත්ත්වය ක්‍රමයෙන් නරක අතට හැරුණු අතර, ඇයව ලිස්බන් හි ළමා රෝහලට ගෙන යන ලදී. ඇය ඇගේ ඉළ ඇට දෙකක් ඉවත් කරන ලද සැත්කමකට මුහුණ දුන්නාය. ඇගේ හදවතේ තත්වය නිසා, ඇය සම්පූර්ණයෙන්ම නිර්වින්දනය කළ නොහැකි වූ අතර, දරුණු වේදනාවක් විඳිමින්, ඒ වේදනා බොහෝ පව්කාරයන් හැරවීමට මර්දන ක්‍රියා ලෙස ඇය ඔප්පු කරන බව ඇය පැවසුවාය. 1920 පෙබරවාරි 19 වන දින, ජසින්තාතාඇගේ පාපොච්චාරණය ඇසූ රෝහල් පූජකවරයාගෙන් ඉල්ලා සිටියේ ඇය "ඊළඟ රාත්‍රියේ" මිය යාමට නියමිත නිසා ඇයට ශුද්ධ වූ සත්ප්‍රසාද වහන්සේ ගෙන එන ලෙස ය.  ඇයගේ තත්ත්වය එතරම් බරපතල නොවන බවත්, පසුවදා නැවත පැමිණෙන බවත් ඔහු ඇයට පවසන ලදි.  ඊළඟ දවසේ ජසින්තා මිය ගියාය. ජසින්තා යනු මෙතෙක් සාන්තුවර භාවයට පත් වූ  ප්‍රාණ පරිත්‍යාගී නොවූ ළාබාලතම තැනැත්තිය වේ.

ජසින්ටා සහ ෆ්‍රැන්සිස්කෝ යන දෙදෙනාව ෆාතිමා ජපමාලයේ අප ස්වාමිදූගේ බැසිලිකාවේ මිහිදන් කර ඇත.

2017 මැයි 13 වන දින ෆාතිමා සිද්ධස්ථාන භූමියේදී ෆ්‍රැන්සිස් පාප් වහන්සේ විසින් ජසින්ටා සහ ෆ්‍රැන්සිස්කෝ මාර්ටෝ ශාන්තුවරයට පත් කිරීම සිදු කරන ලදි.

ඔවුන් කතෝලික පල්ලියේ ලාබාලතම සාන්තුවරයන් වන අතර ඔවුන් ප්‍රාණ පරිත්‍යාගශීලීන් ලෙස මිය නොගිය ලාබාලතම කතෝලික දරුවන් වේ. 

Saints Francisco and Jacinta, circa 1917

From left to right: Jacinta Marto, Lúcia dos Santos and Francisco Marto, holding their rosaries in 1917