✟✯🌷 දෙව්මවුන්ට මංගලම් කීමේ මංගල්‍යය 🌷✯ ✟

 

සමිදාණන් වහන්සේගේ මාංශගතවීමේ මංගල්‍යය හෙවත් මරියෝත්තමාවන්ට මංගලම් කීමේ මංගල්‍යය

දෙව්මවුන්ට මංගලම් කීමේ මංගල්‍යය, ගාබ්‍රියෙල් අග්‍ර දේවදූතයා විසින්  කන්‍යා මරිය තුමිය වෙත පැමිණ ගැලවුම්කරුවාණන්ගේ මව වීමේ පණිවිඩය ලබා දීම සිහිපත් කරයි. ඇය දෙවියන් වහන්සේගේ පුත්‍රයා වන ජේසුස් ක්‍රිස්තුස්ගේ මව වන බව ගාබ්‍රියෙල් අග්‍ර දේවදූතයා  ඇයට දන්වා සිටියේය. මෙය සෑම වසරකම මාර්තු 25 දින සමරනු ලැබේ. 

රෝමානු කතෝලික සභාව, මාර්තු 25 පාස්චල් ට්‍රිඩියම් සමයේදී වැටෙන විට (ශුද්ධ වූ සතියේ ප්‍රධාන දිනයන් තුනෙහි), මෙම දිනය පාස්කු උත්සවයෙන් පසු එළඹෙන පළමු සුදුසු දිනය වෙත මාරු කරනු ලැබේ. නැඟෙනහිර ඕතඩොක්ස් සහ නැගෙනහිර කතෝලික ධර්මය තුළ, මෙම දිනය පාස්චා (පාස්කු) මත වැටුණත් එය කිසි විටෙකත් මාරු නොකරයි. 

දෙව්මවුන්ට මංගලම් කීමේ මංගල්‍යය,  ක්‍රිස්තියානි ධර්මය පුරා, විශේෂයෙන්ම ඕතඩොක්ස්, ඇංග්ලිකන්, කතෝලික සහ ලුතරන් සභාවන් තුළ විශ්වීය වශයෙන් සමරනු ලැබේ.  මෙය මරියාවන් හා සබැඳි ප්‍රධාන මංගල්‍යයක් වන අතර, එය කතෝලික සභාවේ මංගල්‍යයක්, ලූතරන් දේවස්ථානවල උත්සවයක් සහ ඇංග්ලිකන් හවුලෙහි ප්‍රධාන මංගල්‍යයක් ලෙස වර්ගීකරණය කර ඇත. 

ඕතඩොක්ස් ක්‍රිස්තියානි ධර්මය තුළ, මෙම මංගල්‍යය ජේසුස් ක්‍රිස්තුස් වහන්සේගේ පැමිණීම ප්‍රකාශ කරන බැවින්,  සමිඳාණන් වහන්සේගේ මහා මංගල්‍යයන් අටෙන් එකක් ලෙස මෙය සලකනු ලැබේ. දෙව්මවුන්ට මංගලම් කීමේ මංගල්‍යය,  බැඳී ඇති වැදගත්කම පිළිබඳ කතෝලික සභාවේ දේව වන්දනාවේ ප්‍රධාන උදාහරණ දෙකක් වන්නේ තුන්කාල ආරාධනාව (ඇන්ජලස් යාච්ඤාව) සහ ජපමාලයේ පළමු සොම්නස් අභිරහස ලෙස මෙම සිදුවීම් සිහිපත් කිරීමය. 

ගාබ්‍රියෙල් දේවදූතයා විසින් මරියාවන්ට කරන ලද "දේවදූත ආචාරය" මෙහි සටහන් කර ඇත.  “විපුල ප්‍රසාදලත් උත්තමිය, ඔබට මංගල වේ; සමිඳාණන් වහන්සේ ඔබ සමඟ ය” (ලූක් 1:28), සහ දෙවියන් වහන්සේගේ කැමැත්තට මරියා දක්වන ප්‍රතිචාරය,  “බලන්න, මම සමිඳාණන් වහන්සේගේ දාසිය වෙමි; ඔබ පැවසූ ලෙස ම මට ඉටු වේ වා” (ලූක් 1:38)  

"දේවදූත ආචාරය" යෙන් ප්‍රකාශ වන “විපුල ප්‍රසාදලත් උත්තමිය, ඔබට මංගල වේ'' යන ප්‍රකාශය   නමෝ මරිය යාච්ඤාවේ සහ තුන්කාල ආරාධනාවේ මූලාරම්භයයි. 

දෙව්මවුන්ට මංගලම් කීමේ මංගල්‍යය සිව්වන හෝ පස්වන සියවසේ මුල් භාගයේ පමණ සිට සමරා ඇති බව ප්‍රකාශ කළ හැකිය. මෙම මංගල්‍යය පිළිබඳ පළමු නිශ්චිත සඳහන ක්‍රි ව. 656 දී ටොලිඩෝ මන්ත්‍රණ සභාවේ  නීති ප්‍රකාශනයක දක්වා ඇත.  මෙම මංගල්‍යය තුළින්, ශුද්ධවු ත්‍රිත්වයේ දෙවන තැනැන්වහන්සේ සමරන බැවින්, ශා. අතනාසියස්, නිස්සා හි ශාන්ත ග්‍රෙගරි සහ ශාන්ත අගුස්තීනු ඇතුළු බොහෝ සභා පියවරුන් ඒ පිළිබඳව විස්තර කර ඇත.

මුල්ම වාර්තාගත ඉතිහාසයේ සිට, මංගල්‍යය සමරනු ලැබුවේ මාර්තු 25 වන දින වන අතර, වසන්ත විෂුවය ද දෙවියන් වහන්සේගේ මැවීමේ ක්‍රියාවේ දිනය පමණක් නොව ක්‍රිස්තුස් වහන්සේ එම මැවිල්ලම මිදීමේ ආරම්භය ද යන විශ්වාසය දෙකම මෙහිදී සිහිපත් කරයි.

බිඳ වැටුණු දෙව් මිනිස් සබැඳියාව යළිදු එක්කරලීමට අභිප්‍රාය දෙවි සමිදාණෝ මරියෝත්තමාවන්ගේ කුස තුළ මාංශගත වෙමින් අප හා සමාන පුද්ගලයකු වූ බව ශු . ලියැවිල්ල පසක් කර දෙයි. ප්‍රසාද පූර්ණවන්තියක ලෙස මරිය මාතාවෝ මුළු මිනිස් සංහතියේ ගැළවීම වෙනුවෙන් ඕ තොමෝ සියල්ල හිස් කරලමින් දේව කැමැත්තට හිස නමා වචනයෙන් ද ක්‍රියාවෙන් ද දෙවි සමිදුන්ට ඔබින වාසස්ථානයක් වූවාය. මෙම සිදුවීම දෙව්මවුන්ට මංගලම් කීමේ මංගල්‍යය තුළින් අප සිහි කරනු ලබයි.