✟✯🌷ශු. ‌නීනා මුනිවරිය 🌷✯ ✟


 බොහෝ මූලාශ්‍රයන් ට අනුව නීනෝ නොහොත් නීනා මුනිවරිය උපත ලබන්නේ එවකට රෝම අධිරාජ්‍යයට අයත් වූ කපදෝසියාවේ කොල්ස්ට්‍රි නම් කුඩා නගරයේ රෝමානු කතෝලික සභාවේ සහ නැගෙනහිර ඔර්තඩොක්ස්  සභාවේ මිශ්‍ර සම්භවයකින් යුත් පවුලක ය. නැගෙනහිර ඕතඩොක්ස් සභා සම්ප්‍රදායට අනුව, ඇය ප්‍රසිද්ධ පවුලක එකම දරුවා විය. ඇගේ පියා රෝමානු සෙනෙවි සාබුලොන් සහ ඇගේ මව සෝසානා (සුසන්) . ඇගේ පියාගේ පාර්ශවයෙන් සාන්ත ජෝර්ජ් මුනිදුන්ට හා මවගේ පාර්ශවයෙන් ජෙරුසෙලමේ කුලදෙටුවකු වූ පළමුවන හෞබ්නාල් යන අයට නෑ සබඳකමක් ඇත.

ඇය කුඩා කුඩා කාලයේ හැදී වැඩුණේ ජෙරුසලමේ සිටි නියෝෆෝරා-සාරා පැවිදි සොයුරිය යටතේ ය. පසුව ඇයගේ මාමාගේ මාමා ගේ මග පෙන්වීම අනුව රෝමයට යන ඇය එහිදී අයිබේරියාවේ ක්‍රිස්තියානි ශුභාරංචිය දේශනා කිරීමට තීරණය කළාය.

පුරාවෘත්තයට අනුව ඇයට කන්නේ මරියතුමිය දර්ශනය වී මිදිවැල්වවලින් සැකසූ කුරුසයක් ලබාදී , "අයිබේරියාට ගොස් ජේසුස් ක්‍රිස්තුස් වහන්සේගේ ශුභාරංචිය ප්‍රකාශ කරන්න. එවිට උන්වහන්සේ ඉදිරියෙහි ඔබ වරප්‍රසාදයන් ලබනු ඇත.දෘශ්‍යමාන හා අදෘශ්‍යමාන සියලු සතුරන්ට එරෙහිව මම ඔබට පලිහක් වන්නෙමි. මෙම කුරුසියේ  බලයෙන් ඔබ මාගේ ආදරණීය පුත්‍රයාණන් ද සමිදාණන් ද තුළ ඇදහිල්ල නම් ගැලවීමේ ධජය එම දේශීයේ පිහිට වනු ඇත." යැයි  පවසන ලදී.

ශාන්ත නිනෝ ආර්මේනියානු රාජධානියේ සිට කොකේසස්හි අයිබීරියානු රාජධානියට ඇතුළු වූ අතර එහිදී ඇය ආර්මේනියානු III වන ටිරිඩේට්ස් රජුගේ පීඩාවලින් බේරුණාය.

අයිබේරියාවේ ධර්ම ප්‍රචාර කටයුතු අරඹන ඇය විවිධ ස්ථාන වලට ගොස් කිතුනු ජන කණ්ඩායම් ස්ථාපිත කළා ය. බොහෝ අභියෝග වලට මුහුණ දුන්නද ඇයගේ මහත් කැපවීම තුළ එවකට අයිබේරියා රාජ්‍ය පාලනය කළ තුන්වන මිරියන් රජ සහ ඔහු ගේ බිසවද ක්‍රිස්තියානි දහමට කර ගැනීමට සමත් වූවාය.

ක්‍රිස්තු වර්ෂ 332 දී ඇය ස්වර්ගස්ථ වූ අතර වර්තමානයේ දී ද ජෝර්ජියාවේ බොහෝ කාන්තාවන් ඇයගේ නාමය තම නම් අතරට කර ගන්නා බව කියැවේ.

Post a Comment

0 Comments