මෙතුමා ක්‍රි ව. 1835 දී වර්තමාන ලිතුවේනියාවේ ඇන්ඩෲ සහ ජොසෆා කලිනොව්ස්කිගේ පුත් ජෝසප් ලෙස උපත ලැබීය. මොහුගේ ජීවිතයේ මුල් අවධියේදී පූජකත්වය සඳහා කැඳවීමක් දැනුණු නමුත් ඔහුගේ අධ්‍යාපනය සම්පූර්ණ කිරීමට මෙතුමා තීරණය කළේය. ඔහු රුසියාවේ හොරි හෝර්කි හි කෘෂි විද්‍යා ආයතනයේ සහ රුසියාවේ ශාන්ත පීටර්ස්බර්ග්හි හමුදා ඉංජිනේරු ඇකඩමියේ සත්ත්ව විද්‍යාව, රසායන විද්‍යාව, කෘෂිකර්මය සහ මී මැසි වගාව හදාරන ලදි.
1857 දී රුසියානු හමුදා ඉංජිනේරු බලකායේ ලුතිනන්වරයෙකු බවට මෙතුමා පත් විය. ඔහුගේ තනතුර අතරතුර ඔහු කර්ස්ක් සහ ඔඩෙස්සා අතර දුම්රිය මාර්ගය සැලසුම් කිරීම සහ අධීක්ෂණය කිරීම සඳහා වගකිව යුතු විය. ඔහු 1862 දී කපිතාන් ලෙස උසස් කරන ලද අතර බ්‍රෙස්ට්-ලිටොව්ස්ක් හි සේවයේ නිරත විය. බ්‍රෙට්-ලිටොව්ස්ක් හි ඔහු ඉරිදා පාසලක් ආරම්භ කර, ඉගැන්වූ අතර, උනන්දුවක් දක්වන ඕනෑම අයෙකු පිළිගනිමින්, සියලු වියදම් ද මෙතුමා විසින්ම ආවරණය කරන ලදි.
1863 දී මෙතුමා පෝලන්ත කැරැල්ලට සහාය දැක්විය. පසුව ඔහු රුසියානු හමුදාවෙන් ඉල්ලා අස්වී විල්නා ප්‍රදේශයේ කැරලිකාර යුද ඇමති බවට පත් විය. ඔහු මෙම තනතුර භාර ගත්තේ තමන් කිසිවිටෙක මරණ දණ්ඩනය ලබා නොදෙන බවත් සිරකරුවෙකුට මරණ දණ්ඩනය ලබා නොදෙන බවත් තේරුම් ගෙන ය. ඔහු ඉක්මනින්ම රුසියානු බලධාරීන් විසින් අත්අඩංගුවට ගනු ලැබූ අතර, 1864 ජූනි මාසයේදී මරණයට නියම විය. බලධාරීන් ඔවුන් දේශපාලන ප්‍රාණ පරිත්‍යාගශීලියෙකු නිර්මාණය කරනු ඇතැයි බිය වූ නිසා සයිබීරියානු ලුණු ආකරවල බලහත්කාරයෙන් වසර දහයක ශ්‍රමය ලබා දෙන ලෙස මෙතුමාගේ දඬුවම වෙනස් කරන ලදි.
1873 දී ඔහු නිදහස් වූ පසු, ලිතුවේනියාවේ ඔහුගේ උපන් කලාපයෙන් ද ඔහුව පිටුවහල් කරන ලදී. ඔහු ප්‍රංශයේ පැරිස් වෙත ගොස් වසර තුනක් එහි උපදේශකයෙකු ලෙස සේවය කළේය. 1877 දී ඔහු අවසානයේ ආගමික ජීවිතයට දිගු කලක් ඇසූ ආයාචනයට පිළිතුරු දුන් අතර රෆායෙල් යන නම ලබා ගනිමින් ඔස්ට්‍රියාවේ ග්‍රාස් හි කාර්මලයිට් නිකායට සම්බන්ධ විය. හංගේරියාවේ දේවධර්මය හැදෑරූ මෙතුමා පසුව පෝලන්තයේ කස්මා හි කාමලයිට් නිකායට සම්බන්ධ විය. 1882 ජනවාරි 15 වැනි දින මෙතුමා පැවිදි පූජකයෙක් ලෙස පුජාත්වරය ලබා ගන්නා ලදි.
මෙතුමා පෝලන්තයේ විසුරුවා හරින ලද කාාමලයිට්වරුන්ගේ නිකාය යළි පිහිටුවීමට සහ සභාවේ එකමුතුකම සඳහා කටයුතු කළේය. ඔහු 1889 දී පෝලන්තයේ වඩෝවයිස් හි කන්‍යාරාමයක් ආරම්භ කළ අතර, භාග්‍යවත් අල්ෆොන්සස් මේරි සමඟ එක්ව කටයුතු කළේය. මෙතුමා කතෝලික සහ ඕතඩොක්ස් යන දෙඅංශයේම ප්‍රසිද්ධ අධ්‍යාත්මික අධ්‍යක්ෂවරයෙක් විය. ඔහු උද්යෝගිමත් පූජකයෙකු ලෙස සලකනු ලැබූ අතර පාපෝච්චාරණය තුළ ඔහුගේ සාමාජිකයන් සමඟ ගණන් කළ නොහැකි පැය ගණනක් ගත කළේය. මෙතුමා 1907 දී මිය ගිය අතර 1991 දී දෙවන ජුවාම් පාවුළු පාප් වහන්සේ විසින් ශාන්තුවරභාවයට ඔසවන ලදී.
0 Comments