✟✯✯ සියලු සාන්තුවරයන්ගේ මංගල්‍යය ✯ ✯ ✟

සියලු සාන්තුවරයන්ගේ මංගල්‍යය නොවැම්බර් පළමුවැනිදා සමරනු ලැබේ. මෙම දිනය ස්ථාපිත කරන ලද්දේ දන්නා සහ නොදන්නා සියලුම සාන්තුවරයන්ට ගෞරව කිරීම සඳහා වන අතර, IV වන උර්බාන් පාප්තුමාට පවසන්නේ ජන වන්දනා වසර තුළ සාන්තුවරයන්ගේ මංගල්‍යයන් සැමරීමේ දී මග හැරෙන යම් සාන්තුවරයෙක් සිටී නම් මෙම දිනයෙන් එම කාරණාව මග හැරී යන බවයි.

මුල් අවධියේදී, කිතුනුවන් පුරුදු වී සිටියේ ප්‍රාණ පරිත්‍යාගිකයෙකුගේ මරණයේ සංවත්සරය ප්‍රාණ පරිත්‍යාග වූ ස්ථානයේ ක්‍රිස්තුස් වහන්සේ වෙනුවෙන් පැවැත්වීමට ය. හතරවන ශතවර්ෂයේදී, කිතුනුවන් අසල්වැසි රදගුරු පදවිවල උත්සව මෙන්ම  සාන්තුවරයන්ගේ ධාතු හුවමාරු කර ගැනීමට, ඒවා බෙදා වෙන් කිරීම සඳහා පොදු මංගල්‍යයකට සම්බන්ධ වීමට පටන් ගත්හ. සිසේරියාවේ ශාන්ත බැසිල්තුමා (ක්‍රි ව 397 පමණ) විසින් පොන්ටස් පළාතේ රදගුරුවරුන්ට කරන ලද ආරාධනය මගින් ඒ්  බව පෙන්නුම් කෙරේ. බොහෝ ප්‍රාණ පරිත්‍යාගික කණ්ඩායම් එකම දිනයේ දුක් විඳි අතර, එය ස්වභාවිකවම ඒකාබද්ධ අනුස්මරණයකට හේතු විය.

දියෝක්ලේසියානු පීඩන සමය තුළ, දිවි පිදූවන්ගේ සංඛ්‍යාව කොතරම් විශාලද යත්, එක් එක් පුද්ගලයාට වෙනම දිනයක් වෙන් කළ නොහැකි විය. නමුත් සභාව සෑම ප්‍රාණ පරිත්‍යාගියෙකුටම ගෞරව කළ යුතු යැයි යන හැඟීමෙන්, සැමට පොදු දිනයක් වෙන් කරන ලදි. මේ පිළිබඳ පළමු හෝඩුවාව අපට හමුවන්නේ පෙන්තකොස්ත දිනයෙන් පසු ඉරිදා අන්තියෝකයෙන් ය. සිරියාවේ ශාන්ත එෆ්‍රෙම්ගේ (373) දේශනයක සහ ශාන්ත ජෝන් ක්‍රිසොස්ටොම්ගේ 74 වැනි දේශනයෙහි (407) ද සාන්තුවරයන් සැමරීමේ පොදු දිනයක් ගැන සඳහන් වේ.

මුල් කාල වකවානුවල දී  ජනවන්දනා දින දර්ශනයේ විශේෂ දිනයකින් ගෞරව කරනු ලැබුවේ ජේසුස් වහන්සේ වෙනුවෙන් දිවි පිදූවන් සහ ශාන්ත ස්නාවක ජොහන් පමණි. අනෙකුත් සාන්තුවරයන් ක්‍රමක්‍රමයෙන් එකතු කරන ලද අතර, නිතිපතා ශාන්තුවරගත කිරීමේ ක්‍රියාවලියක් ස්ථාපිත කරන විට  සාන්තුවරයන්ගේ සංඛ්‍යාව වැඩි විය.

තවමත්, ක්‍රි ව. 411 තරම් ඈත අතීතයේ කැල්දියන් දින දර්ශනයේ පාස්කු ඉරිදාට පසු සිකුරාදා සඳහා "සමරු පාපොච්චාරණයක්"  සටහන්ත කර ඇත. ලතින් වත්පිළිවෙත් දෙස බලන විට, 4 වන බොනිෆස් පාප් වහන්සේ ක්‍රි ව. 609 හෝ ක්‍රි. ව 610 මැයි 13 වන දින රෝමයේ සාන්තුවර කන්‍යාවන්ට සහ සියලුම ප්‍රාණ පරිත්‍යාගිකයින්ට කැප කරමින් සංවත්සරයක් නියම කළ බව සඳහන්ය. III වන ග්‍රෙගරි පාප්තුමා  (ක්‍රි ව. 731-741) ශාන්ත පීතර බැසිලිකාවේ සියලුම සාන්තුවරයන්ට දේවස්ථානයක් කැප කර නොවැම්බර් 1 වන දිනට එහි සංවත්සරය නියම කළේය.

අපෝස්තුළුවරුන්ගේ බැසිලිකාවක් රෝමයේ පවතින අතර එහි කැපකිරීමේ මංගල්‍යය මැයි 1 වන දින සිදු කෙරේ. IV ග්‍රෙගරි පාප්තුමා (827-844) නොවැම්බර් 1 වන දින සියලු සාන්තුවරයන් සැමරීම සමස්ත සභාවටම ව්‍යාප්ත කළේය.