✟✯🌷 ශු. ස්කොලැස්ටිකා මුනිවරිය 🌷✯ ✟

මහා ශුද්ධ වූ ග්‍රෙගරි මුනිඳුන්ගේ සඳහන් වලට අනුව ස්කොලැස්ටිකා මුනිවරිය උපත ලබන්නේ ක්‍රිස්තු වර්ෂ 480 දී ඉතාලියේ උම්බ්‍රියා ප්‍රදේශයේ නුර්සියා නගරයේ ධනවත් පවුලකය.

ස්කොලැස්ටිකා බෙනඩික්ට්තුමාගේ සහෝදරිය බව මහා ග්‍රෙගරි තුමා ප්‍රකාශ කරන අතර, පසුකාලීන සම්ප්‍රදායක් පවසන්නේ ඇය ඔහුගේ නිවුන් සහෝදරිය බවයි

ඇය කුඩා කළ සිටම දෙවිදුන් වෙනුවෙන් කැප වූ බව  කියවේ. ඇය සහ ඇගේ සොහොයුරු බෙනදික් රෝමයේ අධ්‍යාපනය ලැබීමට පිටත්ව යන තෙක් එකට හැදී වැඩුණි.

ස්කොලස්ටිකාගේ කාලේ ඇගේ සමාජ පන්තියට අයත් තරුණ රෝමානු කාන්තාවක් විවාහ වීමට හෝ පැවිදි ජීවිතයට ඇතුල් වීමට පෙර තම පියාගේ නිවසේ රැඳී සිටීම සාමාන්‍ය සිරිත විය. ඇතැම් විට පැවිදි ජීවිතයේ කැපවූ කන්‍යාවන් කිහිප දෙනෙකු නිවසක එකට ජීවත් වී පැවිදි සංඝයක් බිහි කර ගැනීම ද සිදු විය. එපරිද්දෙන්ම ඇයද මොන්ටෙ කසීනෝ නගරයේ සිට සැතපුම් පහක් පමණ දුරින් තාපසාරාමයක් පිහිටුවා ගත් බව කියැවේ.

බෙනඩික්ටීන් සම්ප්‍රදායට අනුව ස්කොලාස්ටිකා විසින් මොන්ටේ කැසිනෝවේ සිට සැතපුම් පහක් පමණ දුරින්  පිහිට වූ ආරාමය බෙනදිකානු කන්‍යා සොහොයුරියන්ගේ පළමු කන්‍යාරාමය විය. 

ඇය ගැන කියවෙන ජනප්‍රියම කතාව වන්නේ, ඇය වසරකට වරක්,තම සහෝදරයා හමුවීමට  ඔහුගේ තාපසාරාමය අසල ස්ථානයකට යන බවත්, එහි ගොස්  ඔවුන් එකට නමස්කාර කරමින් සහ පූජනීය ග්‍රන්ථ සහ ගැටලු සාකච්ඡා කරමින් දවස ගත කරන බවත්ය.

දිනක් රාත්‍රී භෝජන සංග්‍රහයක් ගෙන ඔවුන් සංවාදය දිගටම කරගෙන යන ලදි. බෙනඩික්ට් ඔහුට පිටත්ව යාමට කාලය පැමිණ ඇති බව ඇඟවූ විට, සමහර විට ඇයගේ මරණයේ වේලාව ළං වෙමින් පවතින බව දැනගත් ස්කොලැස්ටිකා ඔවුන්ගේ සාකච්ඡා දිගටම කරගෙන යාමට සවස් වන තුරු ඇය සමඟ රැඳී සිටින ලෙස ඔහුගෙන් ඉල්ලා සිටියාය.

ඔහුගේම රීතිය බිඳ දැමීමට අකමැති වූ බෙනඩික්ට් ඇගේ ඉල්ලීම ප්‍රතික්ෂේප කළේ ඔහුට නැවත සිය කුටියට යාමට අවශ්‍ය බව අවධාරණය කරමිනි. එම අවස්ථාවේදී, ස්කොලැස්ටිකා යාච්ඤාවෙන් ඇගේ දෑත් වසා ගත් අතර, මොහොතකට පසු, ඔවුන් නවාතැන් ගෙන සිටි අමුත්තන්ගේ නිවසින් පිටත දරුණු කුණාටුවක් ආරම්භ විය. "ඔබ මොකද කළේ?" කියා බෙනඩික්ට් ඇගෙන් ඇසු විට, ඇය පිළිතුරු දුන්නේ, "මම ඔබෙන් ඇහුවා, ඔබ සවන් දුන්නේ නැහැ, ඒ නිසා මම මගේ දෙවියන්ගෙන් ඇහුවා, ඔහු ඇහුම්කන් දුන්නා. ඒ නිසා දැන් යන්න, ඔබට පුළුවන් නම්, මාව දාලා ඔබේ ආරාමයට ආපහු යන්න." යනුවෙනි.

බෙනඩික්ට් හට ඔහුගේ ආරාමයට ආපසු යාමට නොහැකි වූ අතර, ඔවුන් සාකච්ඡාවේ යෙදෙමින් රාත්‍රිය ගත කරන ලදි.

දින තුනකට පසු, බෙනඩික් ඔහුගේ කුටියේ කවුළුවෙන් තම සහෝදරියගේ ආත්මය පෘථිවිය හැර දමා දිලිසෙන සුදු පරෙවියෙකුගේ ස්වරූපයෙන් ස්වර්ගයට නැඟී යනු දුටුවේය.

බෙනඩික්ට් විසින් ඇයගේ දේහය ඔහුගේ තාපසාරාමයට ගෙන එන ලද අතර, එහිදී ඔහු විසින්ම සූදානම් කර තිබූ සොහොන්ගැබෙහි ඇයව තැන්පත් කරන ලදී.

ශුද්ධවත් ජීවිතයක් ගත කළ ඇය ක්‍රිස්තු වර්ෂ 543 පෙබරවාරි 10 වන දින සග ලොව දිනා ගන්නා ලදී.