✟✯✯ තුන්වන සික්ස්ටස් පාප්තුමා ✯ ✯ ✟

 

III වන සික්ස්ටස් පාප් වහන්සේ ක්‍රි.ව. 432 ජූලි 31 සිට ක්‍රි.ව.  440 අගෝස්තු 18 දින මිය යන තෙක් රෝමයේ රදගුරුවරයා විය. ඔහුගේ පාප් පදවියට පත්වීම රෝම නගරයේ ඉදිකිරීම් වැඩි වූ කාල පරිච්ඡේදයක් සමඟ සම්බන්ධ වේ. මෙතුමාගේ මංගල්‍යය කතෝලිකයන් විසින් මාර්තු 28 දින සමරනු ලබයි.

සික්ස්ටස් පාප්තුමා උපත ලැබුවේ රෝමයේ වන අතර ඔහු පාප් පදවියට පත්වීමට පෙර රෝමානු පූජාප්‍රසාදිවරුන්  අතර ප්‍රමුඛයෙකු විය. හිපෝහි අගුස්තීනු මුනිතුමා සමඟ නිතර ලිපි හුවමාරු කර ගත් බව ද සඳහන්ය. පීටර් බ්‍රවුන්ට අනුව, පාප් පදවියට පත්වීමට පෙර, සික්ස්ටස් පාප්තුමා පෙලජියස්ගේ අනුග්‍රාහකයෙකු වූ අතර, පසුව ඔහු මිථ්‍යාදෘෂ්ටිකයෙකු ලෙස හෙළා දකින ලදී. නමුත් මෙම මතය විවාදයට ලක් කරන තවත් බයිබල් විශාරදයන් පවසන්නේ "...මෙම මිථ්‍යාදෘෂ්ටීන් වෙත නැඹුරු වූ බවට ඔහුට ව්‍යාජ චෝදනා එල්ල වූයේ ඔහුගේ සහනශීලී ස්වභාවය නිසා විය හැකිය." බවය.

ක්‍රි ව. 432 ජූලි 31 දින සික්ස්ටස් පාප් පදවියට පත් කරන ලදී. ඔහු ඇලෙක්සැන්ඩ්‍රියාවේ සිරිල් සහ අන්තියෝකියේ ජෝන් අතර සාමය නැවත ඇති කිරීමට උත්සාහ කළේය.

ඔහුගේ නම බොහෝ විට රෝමයේ විශාල ගොඩනැඟිලි සමඟ සම්බන්ධ වේ: ඇවෙන්ටයින් හිල්හි සැන්ටා සබීනා ඔහුගේ පාප් පදවි  කාලය තුළ කැප කරන ලදී. ඔහු ලයිබීරියානු බැසිලිකාව සැන්ටා මාරියා මැගියෝර් ලෙස ගොඩනඟා ගත් අතර, දෙවිඳුන්ගේගේ මව වන මරියාවන් ට කැපකිිරීම ක්‍රි ව. 431 දී අවසන් වූ එපීසස් හි මන්ත්‍රණ සභාවේ නියමයන් පිළිගැනීම පිළිබිඹු කරයි.

එම කවුන්සිලයේදී, ක්‍රිස්තුස් වහන්සේගේ මනුෂ්‍ය හා දිව්‍යමය ස්වභාවයන් පිළිබඳ විවාදය යේ දී  සභාව විසින් ඇයට Theotokos (වචනාර්ථය "දෙවියන්-දරන්නා", හෝ "දෙවියන් වහන්සේගේ මව") යන ග්‍රීක නාමය ලබා දුන් අතර රෝමයේ විශාල දේවස්ථානය එතුමියට කැප කිරීම එයට දැක්වූ ප්‍රතිචාරයක් වේ.