✟✯✯ භාග්‍යවර පස්වන උර්බාන් පාප්තුමා ✯ ✯ ✟

පස්වන උර්බාන් පාප්තුමා ක්‍රි ව. 1310, දකුණු ප්‍රංශයේ  උපත ලැබීය. ඔහු අවිග්නොන්හි සභා නීතිය සහ දේවධර්මය හදාරා බෙනදිකානු පූජාප්‍රසාදිවරයෙක් බවට පත්විය. 1352 දී ඔහුගේ තාපසාරාමයේ ප්‍රධානියා ලෙස නම් කරන ලද අතර, පාප්තුමාගේ රාජ්‍ය තාන්ත්‍රිකයෙකු ලෙස ද සේවය කළ අතර අවසානයේ විවිධ ස්ථානවලට තානාපතිවරයෙකු ලෙස යවන ලදී. ඔහු ඉතාලියේ සහ යුරෝපය පුරා රදගුරුතුමෙක් ලෙසද සේවය කළේය. ඔහු කාදිනල්වරයෙකු නොවූවත්, රාජ්‍ය තාන්ත්‍රික කටයුතුවල යෙදී සිටියදී 1362 දී පාප්තුමා ලෙස තේරී පත් විය. ප්‍රංශ සහ ඉතාලි රජවරුන් අතර සාම සාධක ක්‍රියාකාරකම්, බොහෝ විශ්ව විද්‍යාල ආරම්භ කිරීම, කුරුස යුද්ධ සඳහා වූ ඔහුගේ ජ්වලිතය සහ පාප් පදවිය නැවත රෝමයට ගෙන ඒමට සහ පාප්වරුන්ගේ අවිග්නොන් විප්‍රවාසය අවසන් කිරීමට ඔහු ගත් තීරණය ඔහුගේ පාලනයට ආශීර්වාද කළේය. කෙසේ වෙතත්, එංගලන්තය සහ ප්‍රංශය අතර ඇති වූ යුද්ධය හේතුවෙන් ඔහුට සාම සාධක මෙහෙයුමක් සඳහා අවිග්නොන් වෙත ආපසු යාමට සිදු විය.

ඔහු අවිග්නොන් වෙත ආපසු යාමේදී 1370 දෙසැම්බර් 19 වන දින මිය ගිය අතර, අවිග්නොන්හි තැන්පත් කර තිබූ ඔහුගේ දේහය ඔහුගේ අභිමතය පරිදි මාර්සෙයිල් වෙත මාරු කරන ලද අතර ඔහුගේ සොහොන බොහෝ ආශ්චර්යයන්ගේ ස්ථානයක් බවට පත්විය.  ඔහු සැමවිටම බෙනදිකානු ස්ප්‍රීතුව ඇතිව කටයුතු කළේය. විශේෂයෙන්ම අපකීර්තියෙන් හා දූෂණයෙන් පීඩිත වූ යුරෝපයක මෙතුමාගේ ගුණවත්කම සහ අවංකකම කැපී පෙණුනි.