✟✯✯ ටුවර්ස් හි ශු. ගේෂන් මුනිතුමා✯ ✯ ✟

 

ක්‍රි.ව තුන්වන සියවසේ විසූ  ටුවර්ස් හි ගේෂන් තුමා ප්‍රංශයේ ටුවර්ස් නුවර ආරම්භක රදගුරුවරයා විය. ඔහු කලාපයේ ධර්මදූත සේවය සඳහා ෆේබියන් පාප් වහන්සේ විසින් පත් කරන ලද "ගෝල්හි ශ්‍රාවකයන් හත්දෙනාගෙන්" කෙනෙකි.

ක්‍රිස්තියානි ඉතිහාසඥයින්ට අනුව, ඩෙෂියස් අධිරාජ්‍යයාගේ (ක්‍රි.ව. 250) ගේ කාලය තුළදී, ෆේබියන් පාප් වහන්සේ විසින් ශුභාරංචිය දේශනා කිරීම සඳහා රෝමයේ සිට ගෝල් දක්වා රදගුරුවරුන් හත්දෙනෙකු යවා ඇත: ටුවර්ස් හි ගේෂන් ද මේ අතර සිටින  ලදි.

ගෝල්හි කතෝලික පල්ලි හතේ අනෙකුත් නිර්මාතෘවරුන් මෙන්, විශේෂයෙන් මාර්ෂල් සහ ගේෂන් පසුකාලීන ක්‍රිස්තියානි කථා වල "ක්‍රිස්තුස් වහන්සේගේ ගෝලයන් හැත්තෑ දෙදෙනෙකු" සමඟ සම්බන්ධ කර ඇත. සමහර කතාවල පළමු සියවසේදී ශාන්ත පේදුරුතුමා විසින්ම මේ කණ්ඩායම ගෝල් වෙත යවන ලදැයි ද කියනු ලැබේ. ඔහුගේ චරිතාපදානයේ අනෙකුත් තොරතුරු, පහසුවෙන් ප්‍රතික්ෂේප කළ නොහැකි වුවද, බොහෝ දුරට ඒ්වා පුරාවෘත්ත වේ. ග්‍රෙගරි ඔෆ් ටුවර්ස්, විසින්  6 වැනි සියවසේ ලියූ ඔහුගේ පූර්වගාමියා සම්බන්ධ චරිතාපදාන තොරතුරු කිහිපයක් මෙතුමා සඳහා වඩාත් විශ්වාසදායක මූලාශ්‍රයක්  ලෙස ලබා ගත හැකිය. 

එකල ටුවර්ස් හි කිතුනුවන් ස්වල්ප දෙනෙක් සිටි අතර, ඔහුගේ රදගුරු පදවියේ එක් කරදරකාරී වසරකදී ඔහු කලක් ලොයර් ඉවුරේ පිහිටි ගුහාවක සැඟවී සිටි බව ද කියනු ලැබේ. මාර්මූටියර් සහ ග්‍රෙගරි ප්‍රකාශ කරන්නේ මෙතුමා නගරයට යන්නේ දේශනා කිරීමේ අවස්ථා උදා වූ විට පමණක් බවයි. අසංඛ්‍යාත දුෂ්කරතා මධ්‍යයේ ඔහු අර්ධ ශතකයක් ධර්මදූත කාර්යය සඳහා කැප කළේය.

ටුවර්ස් හි ගේෂන්  දුප්පතුන් සඳහා ආගන්තුක සත්කාරය සදහා වෙනම ස්ථානයක් නගරයෙන් පිටත ස්ථාපිත කළේය. දශක පහක නිරාහාරව, යාච්ඤාවෙන් සහ වෙහෙස මහන්සි වී වැඩ කිරීමෙන් පසු ඔහුට දිනක් ගැලවුම්කරුවාණන් වහන්සේ දර්ශනය වී, "බිය නොවන්න! ඔබගේ ඔටුන්න සූදානම් කර ඇති අතර, සාන්තුවරයන් ස්වර්ගයට ඔබගේ පැමිණීම බලා සිටියි." යනුවෙන් පවසා ඇත.

ගේෂන්ස්ගේ මරණයෙන් පසු, ටුවර්ස්නු හි කිතුනුවන් විසුරුවා හරින ලද අතර දෙවන බිෂොප්වරයා ලිඩෝරියස් ලෙස, සම්ප්‍රදායිකව ටුවර්ස් හි වත්මන් දෙව්මැදුරේ පූර්වගාමියා ලෙසත එය ගොඩනැගීම සම්බන්ධයෙන් ගෞරවය හිමිවන අතර, ක්‍රිස්තු වර්ෂ 371 දී ශාන්ත මාටින් ටුවර්ස් වෙත පැමිණෙන තෙක් ඔහු වසර 33ක් රදගුරුවරයාව සිටි බව ප්‍රකාශ කරයි. කෙසේ වෙතත්, මාටින් මෙම නගරයේ කිතුනුවන් කිහිප දෙනෙකු සොයා ගත්තේය; දේශීය ප්‍රබන්ධ කෙසේ වෙතත් ගේෂන්ගේ පුරාවෘත්තය ජීවමාන විය. මාටින්තුමා ගේෂන්ගේ ගේහොන සොයා ගත් අතර සෑම විටම ඔහුගේ පූර්වගාමියාට ගෞරව කළේය. පැරිසියේ වැදගත්කම වැඩිවීමත් සමඟ, ගේෂන් ශාන්ත ඩෙනිස්ගේ ගෝලයෙකු ලෙස වැඩි වැඩියෙන් ගෞරවයට පාත්‍ර වූ  අතර බොහෝ නූතන කතෝලික වෙබ් අඩවි වල විස්තර කර ඇත.

'ටුවර්ස්' ප්‍රධාන වන්දනා ස්ථානයක් බවට පත් වූ අතර ටුවර්ස් හි ශාන්ත මාටින්ගේ සොහොන්ගැබ වැඩි අවධානය ක් යොමු විය. ප්‍රථමයෙන් ශාන්ත මොරිස්ට කැප කරන ලද ආසන දෙව්මැදුර, 13 වන සියවසේ නැවත ගොඩනැගීමේදී ශාන්ත ගේෂන් වෙත නැවත කැප කරන ලදී. 1793 දී ප්‍රංශ විප්ලවය අතරතුර ඔහුගේ ධාතු විනාශ විය. 

ශාන්ත ගේෂන්ගේ  මංගල්‍යය දෙසැම්බර් 18 වන දින සමරනු ලැබේ.