✟✯✯ ටුවර්ස් හි ශා. මාටින් මුනිතුමා ✯ ✯ ✟

 

මෙතුමා  උපත ලැබුවේ ක්‍රි.ව. 316 දී පමණ වර්තමාන  හංගේරියාවේ දීය. රෝම අධිරාජ්‍යයේ හමුදා නිලධාරියෙකු වූ ඔහුගේ පියාට එහි මාරු වීමට සිදු වූ විට ඔහුගේ පවුල එම ප්‍රදේශය අතහැර ඉතාලියට ගියේය. මෙතුමාගේ  දෙමාපියන් මිථ්‍යාදෘෂ්ටිකයන් වූ නමුත්, 313දී අධිරාජ්‍යය පුරා නීත්‍යානුකූල බවට පත් වූ කතෝලික විශෟවාසය  කෙරෙහි මෙතුමාට මහත් ආසාවක් ඇති විය. ඔහුට වයස අවුරුදු 10 දී ආගමික ඉගැන්වීම ලැබුණු අතර, කාන්තාරයේ තාපසවරයෙක් වීමට පවා ඔහුට සිතුණු බව කියවේ.

 

කෙසේ වෙතත්, පැවති තත්වයන් මත ඔහුට වයස අවුරුදු 15 දී රෝමානු හමුදාවට බැඳීමට සිදු විය, ඒ වන විටත්  ඔහු බව්තීස්මය ලබා නොතිබුණි. මාටින් හමුදාවේ නිහතමානී හා අවංක ජීවිතයක් ගත කිරීමට උත්සාහ කළේය, ඔහුගේ වැටුපෙන් වැඩි කොටසක් දුප්පතුන්ට ලබා දුන්නේය. ඔහුගේ ත්‍යාගශීලීභාවය ජීවිතය වෙනස් කරන සිදුවීමකට තුඩු දුන්නේය, ඔහුට ගෝල්හි අමියන්ස් නගරයේ ගේට්ටුවක් අසල උණුසුම් ඇඳුම් නොමැතිව ශීතලෙන් සිටි මිනිසෙකු හමු විය.

 

ඔහුගේ සෙසු සොල්දාදුවන් මිනිසා පසුකර යන විට, මාටින් නතර වී ඔහුගේම සළුව කඩුවෙන් කොටස් දෙකකට කපා, ශීතලේ සිටි හිඟන්නාට අඩක් ලබා දුන්නේය. එදින රාත්‍රියේ බව්තීස්ම නොලත් සොල්දාදුවා ක්‍රිස්තුස් වහන්සේ දුප්පතාට දුන් අර්ධ සළුව පැළඳ සිටිනු සිහිනයකින් දුටුවේය. ජේසුස් වහන්සේ ප්‍රකාශ කළේ “කැටකුමන් කෙනෙක් වන මාටින් මේ වස්ත්‍රය මට ඇන්දුවා” කියායි.

 

පූජා පුසාදවරයෙක් ලෙස සභාවට බැඳීමට කාලය පැමිණ ඇති බව මාටින් දැන සිටියේය. ඔහුගේ බව්තීස්මයෙන් පසුව ඔහු වසර දෙකක් හමුදාවේ රැඳී සිටියද, වෘත්තියෙන් ඉඩ කඩ ලැබෙන පරිදි ඔහුගේ ජීවිතය සම්පූර්ණයෙන්ම දෙවියන් වහන්සේට දීමට ඔහු කැමති විය. නමුත් අවසානයේදී ඔහු ජර්මානු ආක්‍රමණයකදී රෝමානු හමුදාවෙන් ඉවත් වීමට අවසර ඉල්ලා සිටි විට, මාටින්ට බියගුලු බවට චෝදනා එල්ල විය.

 

ඔහු ඊට ප්‍රතිචාර දැක්වූයේ නිරායුධව සතුරු හමුදා ඉදිරියේ පෙනී සිටීමට ඉදිරිපත් වීමෙනි. "ජේසුස් සමිඳාණන් වහන්සේගේ නාමයෙන්, හිස්වැස්මකින් සහ යකඩ ආවරණයකින් නොව, කුරුසියේ සලකුණෙන් ආරක්ෂා වී, මම බියෙන් තොරව සතුරාගේ ඝනම බලඝණයට තල්ලු කරමි." යනුවෙන් මෙතුමා පවසන ලදි. නමුත් ජර්මානුවන් ඒ වෙනුවට සාමය පැතූ විට මෙම ඇදහිල්ලේ ප්‍රදර්ශනය අනවශ්‍ය වූ අතර මාටින්ට ඔහුගේ නිදහස් වීම ලැබුණි.

ටික කලක් කතෝලිකයෙකු ලෙස ජීවත් වූ මාටින්, දක්ෂ දේවධර්මාචාර්යවරයෙකු සහ පසුව ශාන්තුවරයෙකු වූ පොයිටියර්ස් හි හිලරි රදගුරුතුමා හමුවීමට ගියේය. මාටින්ගේ ඇදහිල්ල සඳහා වූ කැපවීම රදගුරුවරයාගේ සිත් ගත්තේය.

හිලරි රදගුරුතුමා මාටින්ට ගෝල් ප්‍රදේශයේ පළමු තාපසාරාමය ඉදිකිරීමට ඉඩමක් ලබා දුන්නේය. එහි ප්‍රතිඵලයක් ලෙස පැවිදිවරය ලැබූ පළමු දශකය තුළදී, මාර්ටින් ඔහුගේ යාඥාවන් තුළින් පුද්ගලයන් දෙදෙනෙකුව මරණයෙන් උත්ථාන කිරීම සම්බන්ධයෙන් ප්‍රසිද්ධියට පත් විය. ඔහුගේ ශුද්ධකම පිළිබඳ මෙම සාක්ෂිය ප්‍රංශයේ තුන්වන රදගුරුවරයා ලෙස පත් කිරීමට හේතු විය.

මාටින්ට රදගුරුවරයෙක් වීමට අවශ්‍ය නොවූ නමුත් ඔහුගේ අනුගාමිකයන් මෙතුමාව යම් ආකාරයකට රවටා රදගුරු තනතුර ලබා ගැනීමට මෙතුමාව යවන ලදි. රදගුරු ධූරයට පත්වීමෙන් පසු, මෙතුමා තාපස පැවිද්දෙක් ලෙස අඛණ්ඩව ජීවත් වූ අතර, කිසිදු පෞද්ගලික දේපළක් හිමිකර ගත්තේ නැත. මෙම පරිත්‍යාගශීලී ආත්මය තුළම ජීවත්වෙමින් මෙතුමා තම රදගුරු පදවිය පුරා සංචාරය කළ අතර, ඔහු මිථ්‍යාදෘෂ්ටික පිළිවෙත් පලවා හැරියේය.

මෙතුමා රදගුරුවරයෙක් ලෙස කටයුතු කළ කාලය තුළ සභාව සහ රෝම අධිරාජ්‍යය යන දෙකම කැලඹීම් සහිත කාලයක් පසු කළේය. රහස් දැනුම් පද්ධතියක් හරහා ගැලවීම සම්බන්ධ මිථ්‍යාදෘෂ්ටික විශ්වාසයක් වූ ප්‍රිසිලියන්වාදය ස්පාඤ්ඤයේ සහ ගෝල් ප්‍රදේශවල පැතිර ගිය අතර සිවිල් බලධාරීන් මිථ්‍යාදෘෂ්ටිකයන්ට මරණ දණ්ඩනය නියම කරන ලදි. නමුත් මාටින්තුමා , මිලාන්හි පාප්තුමා සහ ශාන්ත ඇම්බ්‍රෝස්තුමා සමඟ එක්ව ප්‍රිසිලියන්වාදීන්ට මෙම මරණ දඬුවමට විරුද්ධ විය. ඔවුන්ව නැවත සත්‍ය ආගමට හරහා ගැනීමට උත්සහ කළ යූතු බව මෙතුමාගේ අදහස විය.

මහලු වියේදී පවා, මෙතුමා දැඩි තපස් ජීවිතයක් ගත කළේය. මෙතුමා තමාගේම මරණය කල්තියා දුටු අතර එය ඔහුගේ ගෝලයන්ට පැවසීය.

“ස්වාමීනි, මම තවමත් ඔබගේ සෙනඟට අවශ්‍ය නම්, මම කිසිම ශ්‍රමයක් ප්‍රතික්ෂේප නොකරමි. ඔබේ ශුද්ධ කැමැත්ත ඉටු වේවා” කියා ඔහු යාච්ඤා කළේය. ඔහුට උණ වැළඳී ඇති නමුත් නින්ද නොගියේය, ඔහුගේ අවසාන රාත්‍රී කිහිපය දෙවියන් වහන්සේ ඉදිරියෙහි යාච්ඤාවෙන් ගත කර ඇත.

“මගේ සහෝදරයෙනි, පොළොව දෙසට වඩා ස්වර්ගය දෙස බැලීමට මට ඉඩ දෙන්න, එවිට එහි යන සමිඳාණන් වහන්සේ වෙතට පියාසර කිරීමට මගේ ආත්මය යොමු වනු ඇත,”  යනුවෙන් මෙතුමා ක්‍රි.ව. 397 නොවැම්බර් මාසයේදී මිය යාමට ටික කලකට පෙර ඔහුගේ අනුගාමිකයන්ට පවසා ඇත.

ටුවර්ස්හි ශාන්ත මාටින්තුමා ඓතිහාසිකව යුරෝපා ඉතිහාසයේ වඩාත්ම ආදරණීය සාන්තුවරයන් අතරට අයත් වේ.