පළමුවන කියවීම 1 කොරින්ති 5:1-8
1 මිසදිටුවන් වුව ද නුරුස්සන තරමේ අනාචාර ක්රියාවක් ඔබ අතර ඇති බව මට ඇත්තට ම ආරංචි වී ඇත. එනම්, ඔබගෙන් කෙනෙකු සිය පියාගේ බිරිඳ තබාගෙන ඉන්න බව ය. 2එවැනි ක්රියාවක් ගැන ඔබට ආඩම්බර විය හැකි ද? නැත, ඒ ගැන ඔබ දුක් විය යුතු ය. ඔහු ඔබ වෙතින් නෙරපා දැමිය යුතු ය. 3සැබැවින් ම මම ගතින් ඔබගෙන් ඈත් ව සිටියත්, සිතින් ඔබ සමඟ සිටිමි. එලෙස ඔබ සමඟ සිටින්නාක් මෙන් ම මා දැනටමත් මේ දේ කරන පුද්ගලයා විනිශ්චය කර ඇත. 4එබැවින් සිතින් ඔබ අතර සිටින මා සමඟ, අපගේ ස්වාමීන් වන ජේසුස් වහන්සේගේ නාමයෙන් ඔබ එක්රැස් වූ විට, 5අපගේ ස්වාමීන් වන ජේසුස් වහන්සේගේ බලයෙන් ඒ පුද්ගලයාගේ ආත්මය සමිඳාණන් වහන්සේගේ දවසේ දී ගැළවෙන පිණිස, ඔහුගේ ශරීරය නාස්ති වන පිණිස ඔහු සාතන්ට භාර කළ යුතු ය.
6 ඔබගේ පාරට්ටුව නොහොබී. මුහුන් බිඳකින් මුළු පිටි පිඬක් පිපෙන බව ඔබ නොදන්නහු ද? 7 ඔබ හැම අතින් ම පිරිසිදු වන පිණිස පාපය නමැති මුහුන් ඉවත් කරන්න. එවිට ඔබ අලුත් නුමුහුන් පිටි පිඬක් මෙන් වන්නහු ය. ඔබ දැනට ම එසේ බව මම දනිමි, එසේ වන්නේ අපගේ පාස්කු බැටළුවා වන ක්රිස්තුන් වහන්සේ පූජා කර ඇති බැවිනි. 8 එබැවින් පරණ මුහුන්වලින් වත්, ඊර්ෂ්යාව සහ දුෂ්ටකම නමැති මුහුන්වලින් වත් නොව, අවංකකම ද සත්යය ද නමැති නුමුහුන් රොටියෙන් පාස්කු මංගල්යය පවත්වමු.
පිළිතුරු ගීය ගීතාවලිය 5:5-6, 7, 12
පිළිතුර- සමිඳුනි, දැහැමි මඟ මා ගෙන ගිය මැනව; ගත යුතු මඟ මට පෙන්නුව මැනව.
5
අහංකාර අයට ඔබ අබිමුවෙහි තැනක් නැත්තේ ය.
අපරාධකරුවන්ට ඔබ ද්වේෂ කරන සේක.
6සමිඳාණෝ බොරු තෙපලන දන වනසන සේක;
මිනීමරු කපටි අය පිළිකුල් කරන සේක.
පිළිතුර- සමිඳුනි, දැහැමි මඟ මා ගෙන ගිය මැනව; ගත යුතු මඟ මට පෙන්නුව මැනව.
7මම ඔබ විපුල පෙම පෙරදැරි කොට ඔබ නිවෙසට පිවිසෙන්නෙමි;
ගරුබිය පාමින් ශුද්ධ මැදුර අබිමුව නමදින්නෙමි.උදම් වෙත් වා!
ඔබ නම ප්රිය කරන්නෝ ප්රීති ප්රමෝද වෙත් වා!
පිළිතුර- සමිඳුනි, දැහැමි මඟ මා ගෙන ගිය මැනව; ගත යුතු මඟ මට පෙන්නුව මැනව.
12මන්ද ඔබ දමිටුන්ට ආසිරි දෙන සේක;
සමිඳුනි, ඔබ පෙම පලිහක් මෙන් ඔවුන් වට කරන සේක.
පිළිතුර- සමිඳුනි, දැහැමි මඟ මා ගෙන ගිය මැනව; ගත යුතු මඟ මට පෙන්නුව මැනව.
ආලේලෙූයියා ජොහන් 10:27
27
මාගේ බැටළුවෝ මාගේ කටහඬ අසති. මම ද ඔවුන් අඳුනමි; ඔව්හු ද මා පසුපස්සේ එති